„Билла“ ќе инвестира 30 милиони евра во Бугарија

После годинешната инвестицијата од речиси 30,6 милиони евра, компанијата „Билла“ најави нова инвестиција во развојот на своето работење во Бугарија за следната година,  вредна 32,4 милиони евра.

Членка на групацијата „Реве“ оствари раст на прометот од 6,6% во првите десет месеци од 2024 година во споредба со истиот период претходната година. Компанијата го припишува овој раст на инвестициите од почетокот на годината, вклучително и инвестицијата вредна 50 милиони лева (25,5 милиони евра) во изградбата на нов логистички центар во Загоре.

Бројот на купувачи во продавниците на „Билла“, од кои има 161 во 50 градови низ Бугарија, во овој период се зголеми за 4,5%, а до крајот на годината компанијата планира да отвори уште четири нови продавници.

Компанијата најави продолжување на инвестициите и во 2025 година, во чии рамки е планирано отворање на 13 нови продавници, чија вредност се проценува на околу 45 милиони лева (23 милиони евра).

Паралелно со отворањето на нови продавници, компанијата ќе продолжи и со модернизацијата на постоечките продавници, инвестирајќи повеќе од 14 милиони лева (7,1 милиони евра) во овој процес.

Важен дел од инвестициската програма ќе биде и отворањето на логистичкиот центар. Се очекува завршната фаза од градежните работи да биде вредна над 4,5 милиони лева (2,3 милиони евра).

Извор: InStore.rs

Фото: „Билла“