Хрватска: „Подравка“ го отвори новиот логистичко – дистрибутивен центар

„Подравка“ го отвори новиот логистичко – дистрибутивен центар во Копривница, вреден 48 милиони евра, кој е дел од најзначајниот инвестициски циклус во историјата на компанијата, кој започна во 2021 година и во вредност од околу 250 милиони евра.

Денеска е посебен ден затоа што со пуштањето во употреба на новиот логистичко-дистрибутивен центар се заокружува нашиот инвестициски циклус и во исто време се означува почеток на сосема нова фаза во развојот на „Подравка“. Зајакната со целосно нови фабрики, капацитети, соодветни услови за работа за сите вработени и потпирајќи се на нивната општо позната посветеност, „Подравка“ гледа кон иднината со голема самодоверба. Гледајќи кон иднината, во остварувањето на уште поголеми успеси во пазарната борба во која секојдневно учествуваме од Америка до Австралија, дополнителна сила и мотивација не исполнува фактот што сме хрватска компанија и тоа успешна хрватска компанија, која преку финансиските резултати докажува дека хрватската сопственост е извор на нашата предност и сила.  Овој центар не е само нова зграда - тој е темел на нова ера во бизнисот на „Подравка.“ Преку оптимизација на логистичките процеси, намалување на трошоците и намалување на емисиите на CO2, создадовме услови за поголема оперативна ефикасност и одржлив бизнис. Сакам да им се заблагодарам на секој од нашите работници и проект-менаџери од сѐ срце за придонесот што го дадовте и енергијата што ја вложивте во постигнување на сето она што го гледаме денес околу нас, изјави Мартина Далиќ, претседател на Управниот одбор на „Подравка“.

Центарот, чија изградба започна во март 2023 година, се наоѓа во индустриската зона Даница во Копривница и се простира на површина од речиси 26.000 метри квадратни.

Капацитетот на центарот е 62.000 места за палети, што овозможува складирање до 32.500 тони производи. Центарот користи напреден систем за складирање и обработка на производи што го намалува внатрешниот транспорт, ги оптимизира трошоците и овозможува долгорочно заштеда на енергија, а со тоа ги намалува емисиите на CO2.

Центарот е висок 36,5 метри, што го прави повисок од деловното седиште на „Подравка“, а во неговата конструкција биле вградени 2.300 тони армирано железо и 19.000 кубни метри бетон.

Извор: InStore.rs

Фото: „Подравка“