Словенија: Инфлацијата во јули забави на 1,3%

Заводот на статистика на Словенија соопшти дека потрошувачките цени во јули пораснале за 1,3% на годишно ниво, после порастот во јуни од 1,5%.

Најголем придонес во годишната инфлација од 0.4 проценти поени имале повисоките цени во рестораните и хотелите (+6,1), потоа следуваат цените на алкохолните пијалаци и тутунот (+5,2), разни добра и услуги (+4,3%) и производите и услугите за рекреација и култура (+3%) за 0,3 процентни поени.

Мерено според хармонизираниот индекс на потрошувачки цени, годишниот пораст на цените во јули изнесува 1,4%.

На месечно ниво, потрошувачките цени во јули имале пад за 0,1 отсто, после порастот во јуни од 0,4 отсто.

Најголемо влијание на месечната инфлација со 0,8 процентни поени имале ниските цени на облеката и обувките и ниските цени на храната кои додале 0,1 процентен поен во месечната дефлација.

Извор: SEE News

Фото: Pexels