Хрватска: Цените во јуни биле повисоки за 2,4 отсто

Хрватскиот државен Завод за статистика соопшти дека во јуни потрошувачките цени биле повисоки за 2,4 отсто во однос на истиот месец од претходната година.

Воедно тоа е и најниска стапка на инфлација од јуни 2021 година, кога изнесувала 2 отсто.

Гледано според главните групи, сите категории пораснале на годишно ниво со исклучок на цените на домувањето, струјата, водата, гасот и останатите горива кои имале пад од 0,3 отсто.

Најголем пораст кај цените е забележан во категоријата ресторани и хотели (+9,6%), потоа следуваат образованието (5,4%), здравство (5,1%), разни добра и услуги (4%), рекреација и култура (3,7%), алкохолни пијалаци и тутун (4%),  превоз (3%), облека и обувки (2,2 %) и храната и безалкохолните пијалаци (1,8%).

Цените во категоријата за мебел, опрема за домовите и редовно одржување на домаќинството пораснале за 1,5 отсто, а комуникациите за 1 отсто.

Во однос на претходниот месец, инфлацијата останала иста, но забележан е пораст на цените кај категориите ресторани и хотели за 2,9%, рекреација и култура 1,6%, образование 1,1% и храна, пијалаци и тутун од 0,3%.

На месечно ниво пад на цените е забележан во категориите комуникации за 2,1 отсти и превоз за 1,2 отсто.

Извор: tPortal

Фото: Pexels