Србија: Голем пожар ја зафати фабриката „Бамби“

Фабриката „Бамби“ во Пожаревац во саботата беше зафатена од голем пожар, а противпожарникарните екипи успеале да го локализираат пожарот и безбедно да ги евакуираат вработените.

Како што пренесува „РТС“, повикувајќи се на неофицијални информации пожарот избувнал на покривната конструкција која е на површина од 500 квадратни метри, во пожарот немало повредени а причините за настанувањето сѐ уште се утврдуваат.

 На фотографиите и снимките кои се објавени на Инстаграм профилот „192 рс“ може да се забележи дека чадот од пожарот бил видлив низ целиот град и во неговото гаснење учествувале голем број на пожарникари.

Српските портали пренесуваат дека во гаснењето на пожарот биле ангажирани 40 пожарникари – спасувачи и 14 возила на Противпожарно – спасувачките бригади од Пожаревац, Смедерево, Јагодина и Белград.

Извор: РТС

Фото: Принтскрин/Pozarevaconline