Хрватска: Малопродажбата бележи пораст

Државниот завод за статистика на Хрватска соопшти дека малопродажбата во државата бележи пораст 14 месеци по ред.

Од Заводот соопштија дека потрошувачката на месечно ниво бележи пораст од 0,6%  и 8,4% на годишно ниво.

Во исто време прометот во малопродажбата со храна пијалаци и тутунски производи е зголемен за 4,6% додека прометот од малопродажбата со непрехранбените производи, освени моторните горива и масла, бил во пораст за 11,4%.

Порастот во мај бил побавен во однос на април кога на годишно ниво изнесувал 8,6%.

Во првите пет месеци од годинава прометот во малопродажбата бил зголемен за 8,6% во однос на истиот период лани.

Извор: tPortal

Фото: Pexels