Словенија: „Хенкел“ отвори Центар за развој на боја за коса

Групацијата „Хенкел“ во Марибор отвори европски Центар за развој на боја за коса во рамките на најголемата инвестиција во последните триесет години во Словенија.

 Од компанијата наведуваат дека основањето на овој Центар ќе биде важен пресврт кој ќе придонесе во зголемувањето на обемот на производите и можноста за вработување.

Денеска сме на прагот на една од најголемите трансформации во историјата на нашата компанија во Словенија. Отворањето на Европскиот центар за извонредност за боја на коса означува нова ера за нашата компанија и заедницата, создавајќи нови работни места и поставувајќи нови стандарди за производство на боја на коса. Очекуваме позитивен одговор од словенечкиот пазар, бидејќи домашното производство на познати брендови ја ужива довербата на потрошувачите, кои знаат дека производите се произведуваат на локално тло. Нашата посветеност кон идните генерации доведе до создавање на стратегија за дигитален развој за „Хенкел“ - Марибор, која вклучува дигитална трансформација на деловните процеси, операции без хартија, оптимизација на логистичките процеси, воведување на роботизација, како и систем за контрола на квалитетот на нашите производи и оптимизација на управувањето со податоците за производството. Одржливоста, заедно со иновациите и дигитализацијата, е сржта на нашата корпоративна стратегија. Заедно, се стремиме  да ја направиме оваа производствена локација од светска класа, вистински светилник што ги диктира насоките за извонредност во нашата индустрија, изјави Грегор Мајцен, директор на компанијата Хенкел Марибор.

Овој производствен погон во Марибор достигна неугрална емисија на јаглерод, што е во склад со стратегијата на компанијата за одржлив развој „Хенкел 2030+“, додаваат од компанијата.  

Бизнисот на „Хенкел“ се заснова на три стратешки приоритети, имено: луѓе и култура, дигитализација и одржливоста. Фабриката во Марибор ги одразува овие приоритети и отсекогаш играла клучна улога за „Хенкел“, како во Европа, така и во светот. Минатата година, со интегрирање на нашите два деловни сектори, го започнавме патот на трансформација во потрошувачкиот бизнис на „Хенкел“. Денес е јасно дека нашата стратегија дава резултати, што ја потврдува нашата позиција како една од најголемите компании за стока за широка потрошувачка. „Хенкел“ Марибор, исто така, ја постигна целта за неутралност на CO2 во производството, а со тоа придонесе за нашите цели за одржливост, додаде Дирк Холбах, корпоративен потпретседател за операции на глобалниот синџир на снабдување во „Хенкел“.

На настанот присуствуваа и министерот за економија и туризам и спорт на Словенија, Матјаж Хан и градоначалникот на Марибор, Саша Арсеновиќ.

Извор/Фото: „Хенкел“