Се продава фабриката за бонбони „Кондива“

Компанијата „Симпо“ од Врање објави продажба на недвижниот имот на фабриката „Кондива“ од Бујановац.

Како што објави порталот eKapija, имотот се наоѓа во село Жбевац, а на продажба се фабрика за слатки и производствен капацитет за прехранбена индустрија и пијалаци, градежно земјиште, опрема, мебел и сл.

Почетната цена на имотот објавен на продажба е 3,86 милиони евра.

Како што е наведено, имотот се продава исклучиво како единствен ентитет.

Отворањето на понудите ќе се одржи на 20 март.