Србија ја продолжи забраната за извоз на млеко, со исклучок на Македонија

Владата на Србија ја продолжи привремената забрана за извоз на млеко и млечни производи до 30 ноември, со исклучок на извозот во Македонија и Албанија.

Во Службениот весник во Србија е објавено дека забраната за извоз се однесува на повеќе видови млеко, како и путер во амбалажа над еден килограм.

Забраната не се однесува на извоз на стоки за кои царинскиот орган ја прифатил извозната декларација пред да стапи во сила одлуката, пренесува агенцијата „Танјуг“.

Привремената забрана за извоз беше воведена на почетокот на септември со цел да се спречи критичен недостиг.