БиХ забрани увоз на 16 тони кинеско какао

Санитарната инспекција на Босна и Херцеговина забрани увоз на 16.000 килограми какао во прав по потекло од Кина. Причината е здравствена неисправност. 

Со хемиска анализа на примероци земени при редовната контрола на прекуграничен промет со стоки, утврдивме недозволена количина на кадиум која ги надминува вредностите дефинирани со одредбите од Правилникот за највисоки дозволени количини на одредени контаминати во храната, соопштија од Федералната управа за инспекциски работи. 

Пратката е во вредност од 46.000 конвертибилни марки. Санитарната инспекција наложи какаото да му се врати на испраќачот.