БиХ: Производителите на риба бараат поголема квота за извоз во ЕУ

Да се зголемат квотите за извоз на риба од БиХ во ЕУ кои сега се само 500 тони годишно, бараат најголемите производители и извозници на риба од БиХ. 

Најзначајни европски пазари им се Италија, Хрватска и Словенија. 

Минатата година, поради пандемијата, дојде до одреден прекин во извозот, што предизвика штети и во рибарството. Производството на конзумна риба во рибниците во Република Српска во 2020 година е помало за 7,6 отсто во однос на 2019 година. Производството на „шаран“ беше зголемено за 37,5 отсто, а на пастрамка беше намалено за 14,3 отсто. Од вкупното производство на риба, 80,7 отсто е пастрмка, 18,9 отсто е шаран, а производството на останата риба е 0,4 отсто. Односно, вкупно биле произведени 1.892 тони риба, од кои 1.526 тони се пастрмка, а 366 тони се „шаран“.  

Нас не интересира извозот на жива риба во ЕУ, а тоа уште не е решено, дури ситуацијата е полоша од претходно. До пред месец - два рибата можеше жива да се извезува во ЕУ, под услов да не се истовара во други рибници или базени, туку веднаш да се праќа на преработка, велат производителите.