Светски ден на Вранец на 5 октомври

Второто издание на „Светски ден на Вранец“, ќе се одржи онлајн на 5 октомври и ќе биде достапно за сите. Настанот е во организација на Здружението „Вина од Македонија“, во соработка со производителите на оваа сорта од Македонија и од регионот.

Поради состојбата со Ковид-19, а со оглед на важноста на настанот за македонската и регионалната индустрија за вино, решивме овогодинешното издание да го организираме онлајн во форма на вебинар, кој ќе биде достапен за сите. Целта на овој настан е да се потенцира важноста на локалните сорти, да се поддржат напорите на локалните винарии за зачувување на винскиот идентитет на Македонија и да се зајакне свеста на потрошувачите ширум светот за вината кои доаѓаат од Македонија. Светскиот ден на Вранец, исто така придонесува за зголемување на препознатливоста на Македонија како винска земја на меѓународно ниво, соопштија од „Вина од Македонија“. 

Настанот ќе се одржи преку онлајн стриминг во живо, со интернационални експерти за вино од Велика Британија, САД, Германија, Холандија, Словенија. 

За да ја погледнете агендата и да бидете дел од овогодинешното издание на „Светски ден на Вранец”, регистрирајте се бесплатно на следниот линк: https://www.vranecworldday.com/registration-for-vwd-2020/