„Пекабеско“ донираше 7 тони храна

„Пекабеско“ донираше 7 тони храна и со тоа се приклучи на големиот број општествено одговорни компании, организации и хумани граѓани кои пружаат несебична поддршка на нашите сограѓани кои најмногу се погодени од кризата предизвикана од коронавирусот.

Имено, во текот на месеците јуни и јули, во соработка со Црвениот Крст, беа донирани пакети со храна за 650 социјално загрозени семејства. Дел од донираните производи, исто така, се користат и за потребите за бездомните лица.

Oд Црвениот Крст на Град Скопје истакнуваат дека во овој период е од исклучителна важност поддршката токму во пакети со прехранбени производи, бидејќи во време на криза, лицата во ризик се уште позагрозени и без никаков извор на егзистенција.

Со цел континуирана поддршка, во текот на месец мај 2020 година, „Пекабеско“ ја продолжи и годишната соработка за поддршка на Пунктот за бездомници на Црвениот Крст на Град Скопје. Со потпишаниот меморандум за разбирање, „Пекабеско“ секој месец продолжува да донира производи за потребите на Пунктот, односно храна за 70 лица.Кон крајот на месец април 2020 година,  „Пекабеско“ се приклучи на проектот „Волонтираме за солидарно општество“. Оваа хуманитарна акција беше организирана со цел собирање прехранбени продукти и хигиенски производи за поддршка на граѓаните од најранливите категории кои се погодени од коронакризата.

Дополнително, од самиот почеток на коронакризата, „Пекабеско“ ги зајакна превентивните мерки. Со цел да се избегне групирање и користењето на јавен превоз, компанијата на своите вработени им обезбеди и дополнителен финансиски надомест со цел користење на возило до и од работното место.

Цените на производите на „Пекабеско“ во текот на целиот овој период останаа непроменети