Македонија

Продолжен рокот за повикот за технолошки развој за брзо приспособување

29 јун 2020

Рокот за аплицирање на повикот за технолошки развој за брзо приспособување на Ковид-19 на Фондот за иновации и технолошки развој (ФИТР) е продолжен до 3 јули.

Како што информираат од ФИТР, рокот е продолжен поради големиот интерес на домашните компании, но и поради зголемениот прилив на апликации денеска, на последниот ден за аплицирање, како резултат на што настанале и технички проблеми. Рокот за аплицирање се продолжува до 3 јули до 14:00 часот.

Овој повик на ФИТР е наменет за брзо економско заздравување, за микро, мали и средни компании со потенцијал за успешно работење. Иницијалниот буџет на јавниот повик е 200 милиони денари. Финансиската поддршка е структурирана по големина на компанијата, и тоа до 750.000 илјади денари за микро, 1,5 милиони денари за мали и до 3 милиони денари за компании со средна големина и не може да надмине 70% од вкупниот буџет на инвестицијата. Преостанатите 30% се средства што ги обезбедуваат компаниите.

Средствата може да се наменат за инвестиции во дигитализација и ИТ-системи, реорганизација на работата, унапредување на производите и услугите, набавка на опрема, како и заштитни мерки за работниците. Со мерката се опфатени компании што во последните две години од работењето немаат регистрирано загуба, освен стартап-компании до три години постоење, кои се изземени од овој услов. Оваа развојна мерка е подготвена во соработка со Светската банка.

Новина во повикот се и критериумите за оценување, во делот на поттикнување на учество на компании со жени во управувачката и сопственичката структура. Исто така, посебен систем за бодување е предвиден за компании што доаѓаат од помалку развиените региони, кои ќе имаат и предност при селекцијата.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Пад на извозот од 27,4 отсто во првите пет месеци од годинава

02 јул 2020

„Макпрогрес“ развива регионална академија и центар за иновации со поддршка од ЕБОР

02 јул 2020

Вината на „Тиквеш“ освоија 4 златни медали на „Citadelles Du Vin“ 2020 во Франција

02 јул 2020

Со субвенционирање на плати досега се вработени 1.346 лица

02 јул 2020

Се отвори нов КАМ маркет

02 јул 2020

Детали: Што може да се купи со домашната платежна картичка

02 јул 2020
Вчитува уште новости...