Македонија

Првпат по 23 години македонско јагнешко месо во Јордан

12 May 2020

За првпат по 23 години, со авионски карго транспорт вчера се реализираше извоз на свежо разладено македонско јагнешко месо во Јордан. Се работи за извоз на 2.000 јагниња, откупени од домашните одгледувачи на овци.

Овој извоз го најавивме уште пред два месеци, барајќи алтернативни пазари за извоз на јагнето и за решавање на кризата за извозот на јагнето поради пандемијата од вирусот КОВИД 19, и целта ја остваривме. После 23 години, денес повторно македонското јагне се извезува во Јордан. Околу 30 тони свежо разладено македонско јагне заминува на пазарот во Јордан, министерот за земјоделство, шумарство и водостопанство, Трајан Димковски.

Диркеторот на Агенцијата за храна и ветеринарство, Зоран Атанасов посочи дека со отворањето на пазарот во Јордан, се отвораат нови пазари не само за јагнето туку и за другите македонски земјоделски производи.

Преговорите со надлежните служби од Јордан почнаа уште на почеокот на годината. Успешно ги завршивме со усогласување на здравствено-ветеринарниот сертификат за извоз на македонско јагне во Јордан, и еве почна првиот извоз. АХВ и понатаму останува посветена да работи на отворање на нови пазари и да ги договара со странските земји здравствените гаранции за македонското јагне, изјави директорот Атанасов.

Поради пандемијата предизвикана од вирусот КОВИД 19, годинава извозот на јагниња се одвива со намален интензитет, особено на традционалните пазари. Од почетокот на извозот на јагне, МЗШВ и АХВ беа во постојана комуникација со амбасадите, откупувачите и одгледувачите на јагне со цел да најдат пазари за македонското јагне. Поради кризната ситуација, за да им се помогне на одгледувачите на овци, МЗШВ ја зголеми вкупната финансиска поддршка за женско јагне на 2.500 денари по грло.

tags:

#извоз #јагнешко месо #Јордан

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.

Се вчитува следна вест...

Најчитано

	Македонија Потребни ли се промени на Законот за забрана на нефер трговски практики? 13 Nov 2024
	Анализи Германија: „Лидл“ се враќа кон своите корени 13 Nov 2024
	Македонија „Вивакс“ продолжува со сопствена преработка на овошје, во тек е откупот на јаболка 15 Nov 2024
	Видео вести (ВИДЕО) Џемаил Даути: Законот за забрана на нефер трговски практики нема да ги намали крајните цени 20 Nov 2024
	Регионално Јелена Круниќ: Предноста на „малите“ трговци е разбирањето на потрошувачите и брзата промена 13 Nov 2024
	Свет САД: „Херши“ ги намали прогнозите за третиот квартал 14 Nov 2024