Најмногу нови претпријатија се создаваат во трговијата

Трговијата на големо и мало и поправка на моторни возила и мотоцикли се најпривлечни сектори во кои се отвораат нови петпријатија.

Податоците на Државниот завод за статистика покажуваат дека од новосоздадените 6.321 претпријатие, една третина, односно 30,2 отсто се во овој сектор.

Привлечни сектори во кои се отворале претпријатија била и преработувачката индустрија со 10,7 отсто, стручни, научни и технички дејности со 10,6 отсто и објекти за сместување и сервисни дејности со храна со 10,3 отсто.

Најголем дел од новосоздадените претпријатија, односно 72,3 отсто се регистрирани како Друштва со ограничена одговорност и акционерски друштва

Бројот на новосоздадени претпријатија во 2017 година претставуваат 9,2 отсто од вкупно активните претпријатија во земјата. Во истата година згаснале 8,5 отсто од вкупниот број активни претпријатија, односно 5.796. И кај згаснатите најголем дел 36,8 отсто се во секторот трговија на големо и мало, поправка на моторни возила и мотоцикли