„Ука Комерц“ доби награда во Сараево

 

Наградени беа поединци и компании кои придонеле за развојот на халал индустријата во регионот. 

 

„Ука Комерц" ја доби наградата за најдобар штанд, по избор на публиката и посетителите. 

 

 

Наградата за најголем број халал сертификувани производи, повеќе од 900, беше доделена на „АС Холдинг". Добитници на наградата за исклучителен придонес во развојот на халал индустријата во Босна и Херцеговина (БиХ) се Мидхат Јашиќ, Амир Сакиќ и Институтот за стандардизација на БиХ. Наградата за исклучителен придонес за развој на халал индустријата во регионот, со исклучок на БиХ, ја доби претседателот на Мешихатот на Исламската заедница во Хрватска, муфтијата Азиз ефенди Хасановиќ.

 

„СХФ 2018", организиран од „Bosna Bank International (BBI)" во соработка со Исламската заедница во БиХ и Исламската развојна банка (IsDB), собра учесници од над 40 земји, и околу 100 излагачи од целиот свет.