Реновиран „Рамстор“ во Ново Лисиче

По анализата на распоредот на „Рамстор" на бул.„Видое Смилевски Бато“ бр. 10А во Ново Лисиче, маркетот беше повторно структуиран во согласност со потребите и очекувањата на купувачите.

Ајхан Чалишкан, директор за продажба во „Рамстор" – Македонија, за InStore открива дека ако не се земе предвид планирањето, подготовките траеле приближно 60 дена. Реновирањето било спроведено без да се затвори маркетот и се вршело претежно во ноќните часови.

Со реновирањето на одделите за зеленчук, овошје, сувомесни производи, пекарницата и месарницата, се рефлектираше нашата силна страна во групата свежи производи. Освен тоа, беа обновени и сите визуелни елементи. Со користење на најновата технологија за  осветлување и опремата за заштеда на енергија и намалување на трагите од јаглероден диоксид во внатрешноста на објектот, маркетот прерасна во место кое е почувствително кон околината, вели Чалишкан.

Тој додава дека во реновираниот маркет, секојдневните и свежите производи се во прв план, а освен зголемувањето на палетата на овие производи, зголемено е и количеството на смрзнатата програма.

Малопродажниот сектор е жив сектор и поради тоа, секогаш се потребни одредени новитети. Во таа насока, внесувањето на новитети во нашите маркети ќе продолжи и во периодот што следува. Планираме одделите во сите маркети да бидат повторно разгледани и обновени, открива Чалишкан.