„Бимилк“ ги награди своите најдобри фармери

Кооперантите беа наградени за испорака на најголема количество млеко за комерцијални и за семејни фарми, за најдобар микробиолошки и хемиски квалитет на млекото, како и специјални признанија за најстарите и најлојални фармери на „Бимилк".

 

Настанот беше организиран во насока на потврдување на долгорочната грижа која млекарницата ја негува во повеќе значајни сегменти, а тоа се традицијата, квалитетот, заедницата и домашната суровина, како основа на севкупното делување на компанијата. „Бимилк" соработува со повеќе од 1.400 фармери од цела Македонија, а годишниот откуп е околу 40 милиони литри млеко.
 

Како најголем млекопроизводител во земјава, но и компанија со традиција од повеќе од 65 години, несомнено, успеваме да испорачаме производ со врвен квалитет, а токму квалитетот на нашите производи е тој што ја оправдува и секојдневната доверба на повеќе од милион задоволни корисници и ја одржува нашата лидерска позиција на пазарот. Меѓутоа, пред сè и над сè, нашата успешност во стратегијата се заснова врз градење и негување стабилни и долгорочни партнерски односи токму со нашите кооперанти, истовремено нудејќи им постојана поддршка, совети, едукација и, на крај, но не помалку важно, навремена исплата на откупеното млеко, изјави Ѓорѓи Петрушев, генерален директор на „Бимилк".