Повеќе од 900 производи се дел од акцијата „Новогодишната кошничка“

Заменик министерот за економија Марјан Ристески денеска објави дека листата на производи од акцијата „Новогодишна кошница“ е зголемена на повеќе од 900 производи.

„Новогодишна кошница“ расте, за една недела листата на производи се зголеми од 650 на повеќе од 900 производи.  Од 15 декември до 15 јануари граѓаните ќе можат да купат повеќе од 900 производи од 83 компании кои тие самите ги понудија, со пониски цени од најмалку 10 проценти. Сакам да се заблагодарам на сите компании кои се дел од оваа акција (производители, дистрибутери и маркети), кои излегоа во пресрет на повиците на јавноста и на дело ја покажуваат нивната општествена одговорност. Листата на производи не е затворена и сите заинтересирани можат да се пријават со свои производи на info@mojakosnica.mk, објави на Ристески на својата Фејсбук страница.

Заменик министерот за економија упати апел компаниите доследно да ја почитуваат акцијата која што самите ја креираа, а доколку граѓаните имаат забелешки истите да ги пријават до Државниот пазарен инспекторат  на бесплатниот телефонски број 191 или на веб страната.

Извор: Facebook

Фото: Pexels