Радош Вукиќевиќ повеќе не е генерален директор на ВВ „Тиквеш“

Радош Вукиќевиќ повеќе не е директор на ВВ „Тиквеш“ и член на Управниот одбор, известија од винарницата преку „Македонска берза“.

Одлуката за констатирање престанок на функцијата и отповикување член на Управен одбор и Генерален директор е донесена на седница на 7 јуни.

Претходно, на 29 мај е потпишана спогодба за раскинување на менаџерскиот договор на Вукиќевиќ, пишува во информацијата. До избор на нов генерален директор, овластено лице кое ќе ја застапува „Тиквеш“ ќе биде членот и претседателот на Управниот одбор, Светозар Јаневски.