Нов „Жито“ во скопско Ново Село

Мрежата на националниот синџир супермаркети „Жито“ се проширува во Скопје. Најнов на листата новотворени објекти е маркетот во Ново Село, ул. Лука Ѓеров, бр. 107, во скопската општина Ѓорче Петров.

Новоотворениот маркет е со вкупна површина од 344 квадратни метри, од кои 305 се продажен простор. Ангажирани се дванаесетина вработени, а маркетот располага со три наплатни каси.

Ја продолжуваме нашата деловна политика на проширување на мрежата, со цел да го донесеме „Жито„ колку што е можно поблиску до секој потрошувач. Нашите ценети потрошувачи може да очекуваат пријатни изненадувања – и во однос на политиката на цени и во однос на понудата што ја имаме, велат одговорните од „Жито“.

Асортиманот го сочинуваат различни категории производи, вклучително и приватната трговска марка 5ка. Маркетот располага и со оддел за свежо овошје и зеленчук, кој секојдневно се надополнува од доставувачот Fruit Land.

Со новоотворената продавница во скопско Ново Село, мрежата на „Жито“ во главниот град достигна до 19 објекти.