СКСЗМ в четврток ќе ги избере најуспешните компании

Стопанската Комора на северо - западна Македонија (СКСЗМ) и оваа година организира избор на најуспешни и најмоќни компании „ТОП 100™“.

Овој настан и оваа година ќе ги истакне најдобрите компании од различни индустрии и категории, кои покажале поголем успех во повеќе области од својата дејност. Тие се членки на СКСЗМ и комората го промовира нивниот пат кон успехот како додадена вредност.

Критериумите за избор на 100-те најдобри и најуспешни компании се годишниот приход што го остваруваат, нето добивката, бројот на вработени, инвестициите и повратот на капиталот. Главната цел на СКСЗМ е преку овој настан да го стимулира аспектот на конкурентноста на компаниите и воедно да го промовира нивниот развој.

Исто така на овој настан ќе бидат наградени бизнисите со најголем раст и бизнисите водени од жени. 

Настанот „ТОП 100™“ ќе се одржи в четврток во хотелот „Double Tree by Hilton“ во Скопје.