Македонија

11. Фестивал на младо вино на „Тиквеш“: И кога сѐ е вонредно, младото вино е извонредно

17 ное 2020

Винарската визба „Тиквеш“ и оваа година, 11-та по ред, ја продолжува традицијата на Фестивалот на младо вино, кој оваа година ќе се одржи онлајн.

Раководејќи се од основната идеја заеднички да се наздрави за првото, младо вино од најновата берба, годинава овој настан се организира и со намера да се создаде позитивна атмосфера и да се придонесе кон охрабрување за наминување на предизвиците со кои сите се соочуваме, велат од „Тиквеш“. 

Под слоганот „И коге сѐ е вонредно, младото вино е извонредно“ програмата на годинешниот фестивал вклучува интересни содржини во изведба на познати уметници и естрадни ѕвезди од нашата земја и регионот кои ќе бидат емитувани „во живо“ од две локации – Кавадарци и Белград, а ќе настапат Влатко Стефановски, Тијана Дапчевиќ, Фрајле и Здружение на џез музичари. Најавено е дека фестивалот ќе го следат голем број вински ентузијасти од земјава и странство, партнери и соработници на „Тиквеш“.

Годинешниот Фестивал на младо вино ќе може да се следи и преку страницата на „Тиквеш“ на социјалната мрежа Фејсбук – Facebook.com/TikvesWinery, во петок, на 20. ноември 2020, во периодот од 19 до 21 часот.

Фестивалот на младо вино на „Тиквеш“ дава голем придонес за одржување на традицијата на производство на квалитетно македонско вино и градење на препознатливоста на Македонија како винска земја. Овој фестивал е прв и најголем настан од ваков карактер во нашата земја и има значајна улога во градењето на винската култура и создавањето сопствена традиција на проценка на виното од последната берба, како што е случајот во многу други земји – производители на вино.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Нов „Зур“ во Аеродром, наскоро и нов „Дим“ во Долно Лисиче

27 ное 2020

Сакате повторно да го проследите 6 FMCG Summit 2020? Реприза само во недела

27 ное 2020

КСС: Недела да биде ден за одмор, а оние кои ќе работат да земаат за 50% поголема дневница

27 ное 2020

Попладнево ќе почне Самитот „Македонија 2025“

27 ное 2020

Во Катар ќе се извезуваат македонски прехранбени производи

27 ное 2020

Петар Денковски од „Веро“ - менаџер на годината за 2020 година

27 ное 2020
Вчитува уште новости...