Поддршка за 48 компании кои инвестираа во време на корона-криза

Владата потпиша договори со 48 компании кои решија да инвестираат во услови на криза, а тоа се 38 нови договори и 10 анекс договори, информираше на денешната прес-конференција, вицепремиерот за економски прашања, Фатмир Битиќи.

Вкупниот инвестициски циклус изнесува 53,4 милиони евра од кој 29,4 милиони евра по основ на нови 38 договори. Овие компании се очекува да отворат 498 нови работни места и да ја зголемат конкурентноста на домашната економија.

Поддршката на овие компании е значајна и од аспект на рамномерен регионален развој, бидејќи само 21 отсто од компаниите се од Скопје и околината, а останатите 79 отсто се од други градови од државата. На овој начин им се дава можност на граѓаните да останат дома и да придонесат за локален економски развој, рече Битиќи.

Тој додаде дека најголем број од поддржаните компании се мали компании и оти Законот дава еднаква можност и за домашните и за странските компании важно да сакаат да инвестираат.