Викенд без ДДВ на 10, 11 и 12 октомври

Викендот без ДДВ ќе биде за празничниот продолжен викенд од 10 до 12 октомври и би опфатил повеќе од 350.000 граѓани, корисници на апликацијата „МојДДВ“. Премиерот Зоран Заев го промовираше како дел од четвртиот пакет антикризни мерки тежок 470 милиони евра. 

Граѓаните кои за време на продолжениот викенд на 10-11-12 октомври ќе можат да купат домашни производи и услуги или компјутери и друга ИТ опрема во вредност од најмногу 30.000 денари, во рок од неколку дена ќе го добијат назад на своите сметки целиот ДДВ. 

Со ова мерка се проектира да се направи промет од 170 милиони евра, пари планирани како инјекција за стопанството, а кон граѓаните ќе бидат вратени околу 17 милиони евра, од повратот на ДДВ.