Актуелно

Извозот во 2020 година паднал за речиси 10 отсто

11 јан 2021

Извозот на стоки од земјава од јануари до ноември минатата година бележи пад од 9,9 отсто во однос на тој период од претходната година, објави Државниот завод за статистика.

Вкупната вредност на извозот на стоки од дрѓавата во перидот јануари – ноември 2020 година, изнесува 5.970.157.000 американски долари, вредноста на увeзената стока, во истиот период, изнесува 7.744.550.000 долари, што е за 9,7 отсто помалку во споредба со истиот период од претходната година. Трговскиот дефицит, пак, во перидот јануари – ноември 2020 година, изнесува 1.774.394.000 долари. Покриеноста на увозот со извоз, во перидот јануари – ноември лани изнесува 76,9 отсто.

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта и фероникелот. Во увозот се најмногу застапени платината и легурите на платина, необработени или во прав, нафтените масла и маслата добиени од битуменозни минерали, плоснатоваланите производи од железо или нелегиран челик, неплатинирани или необложени и другите метали од платинската група и нивни легури, необработени или во облик на прав.

Во периодот јануари – ноември 2020 година, според вкупниот обем на надворешно-трговската размена, нашата држава најмногу тргувала со Германија, Велика Британија, Србија, Кина и Грција.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Можно е преземање на „Карфур“ од „Куш-Тар“?

02 дек 2020

Стратегија: Затворајте продавници за да ја зголемите продажбата

02 дек 2020

Почина Марин Пуцар, првиот човек на „Подравка“

02 дек 2020

„Кауфланд“ и „Глобус“ го купуваат „Реал“

02 дек 2020

Верица Мартиновска: Среќна ни Нова година!

02 дек 2020

Горан Теменугов: Лет во место

02 дек 2020
Вчитува уште новости...