Рекламата на Gillette ги налути мажите

Навредени од новата реклама на „Gillette“ се најдоа голем број мажи низ светот, а својот бес го истурија преку социјалните мрежи каде упатија остри критики кон брендот.Реакциите се кон новата кампања што почна да се емитува деновиве во САД, а во која главната порака е дека од мажите се бара да бидат подобри. Така и познатата фраза „The Best a Man Can Get“, стара три децении, доби нова, прашална форма.

Од мажите се бара да ја отфрлат девизата „момчињата секогаш ќе бидат момчиња“ и да им укажат на нивните деца и на помладите генерации дека треба да се постапува со поголема почит кон другите, како кон девојките, така и кон машките.

Сепак, некои се најдоа навредени, истакнувајќи дека со тие пораки се генерализира машкиот род. Други отидоа до таму што ја нарекоа кампањата „токсична реклама против мажите“.