„Амазон“ доби дозвола за тестирање на достава со дрон

Американскиот интернет-гигант соопшти дека во текот на викендов добил дозвола од Федералната администрација за авијација (ФАА) за тестирање на испораката со дронови.

Можно е во текот на неделава „Амазон“ да почне да ја тестира испораката на производи со помош на дронови. Со услугата, наречена Amazon Prime Air, пакетите ќе може да се достават за максимум 30 минути. Тежината на пакетите ќе биде максимум до 2,25 кг. За овој пилот-проект, компанијата ја чекаше дозволата од ФАА.

Со тоа, најголемиот светски е-трговец им се придружи на конкурентските компании „Алфабет“ и „Јунајтед парсел сервис“, кои претходно го добија истото одобрение.