Свет

Светската економија претрпе загуба од 126 милијарди долари

29 јун 2020

Светската економија е во загуба од најмалку 126 милијарди долари поради коронавирусот, покажува најновото истражување на Меѓународниот трговски центар (ИТЦ).

Според извештајот, кинескиот извоз во февруари годинава се намали за 21% во споредба со истиот период минатата година.

Целосните ефекти од кризата сè уште не се видливи, бидејќи поголемиот дел од земјите почнаа со затворање на границите на крајот од март и април, наведува ИТЦ во извештајот. Блокадите во Кина, ЕУ и САД имаат најголемо влијание врз меѓународната трговија, бидејќи овие три економии, како што се наведува во истражувањето, се главните играчи во глобалните синџири за снабдување и се важни увозници на суровини, делови и компоненти.

Како резултат на тоа, африканските извозници ќе изгубат повеќе од 2,4 милијарди американски долари во глобалниот извоз, а повеќе од 70% од тие загуби се поврзани со привремени нарушувања на синџирот на снабдување со ЕУ.

Според податоците на ИТЦ, трите главни трговски центри – Кина, САД и ЕУ, сочинуваат 63% од увозот на светските синџири на снабдување и 64% од извозот. Затоа, од центарот наведуваат дека глобалната економија изгубила најмалку 126 милијарди долари поради пандемијата.

Во извештајот се наведува и дека пандемијата сериозно погодила повеќе од 55% од сите мали и средни претпријатија.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



„Пени“ воведе систем за скенирање во стотици продавници

06 јул 2020

Германија го ограничува бројот на работни визи за Балканот

06 јул 2020

„Ц & Ц груп“ ја презема дистрибуцијата на Budweiser во Ирска

06 јул 2020

„Алберт Хеин“ презема пет продавници „Џамбо Хершап“

06 јул 2020

САД: Повеќе од 3.400 компании поднесоа барања за банкрот

06 јул 2020

Кризата „укинува“ 400 милиони работни места на глобално ниво

06 јул 2020
Вчитува уште новости...