Групацијата X5 вработи 40.000 луѓе за време на пандемијата

Групацијата X5 продолжи активно да ангажира работници за време на карантинот, така што ангажираа околу 40.000 луѓе во март и април за да ја задоволат зголемената побарувачка.

Најголем број вработени почнале со работа во малопродажниот синџир „Питерочка“, во кои се вработени повеќе од 33.600 лица во март и април, вклучително и персонал за подготовка на нарачки.

Персоналот во малопродажниот синџир „Перекресток“ се зголеми за речиси 3.900 лица. Околу 730 вработени почнаа да работат во транспортниот сектор на компанијата, а 1.287 нови работници се вработени на платформата Perekrestok.ru. Од компанијата велат дека вработувањето ќе продолжи и по нормализирање на епидемиолошката состојба. Во март, X5 привремено ангажираа работници од гостопримството и хотелскиот сектор кои или ги загубија своите работни места или бараат дополнителни приходи.

Според компанијата, фокусот е ставен на дигитализација на деловните процеси на компанијата, така што X5 активно вработува експерти за развој во ИТ секторот - во претходните два месеци беа ангажирани повеќе од 200 работници со јаки технички вештини.

Како што велат, главниот приоритет на компанијата останува безбедноста на вработените и клиентите. Дигиталната трансформација, која групацијата X5 ја спроведува од крајот на 2018 година, овозможи брзо реструктуирање на работата во новите услови и трансфер на 97% од вработените да работат од далечина. По извршената анализа, компанијата ќе донесе одлука за делумна транзиција на работењето од далечина и по укинувањето на воведените мерки поради коронавирусот.