„Метро“ постигна договор за продажба на „Реал“

Германскиот трговец „Метро“ постигна „комерцијален договор“ со конзорциумот на „СЦП Груп“ за продажба на синџирот хипермаркети „Реал“. 

Според условите во договорот, вредноста на „Реал“ е проценета на милијарда евра, а „Метро“ очекува нето-прилив од околу 300 милиони евра. 

Договорот предвидува и дека сервисната компанија „Метро“ ќе продолжи да обезбедува услуги за „Реал“ во периодот на транзиција, но тие услуги ќе се намалуваат со тек на време. 

Задолжителен договор за сега не е склучен, бидејќи договорот мора да го потврдат корпоративните тела на двете страни. Завршувањето на трансакцијата мора да го одобрат и анти-монополските институции.