Премиум пивата ја „билдаат“ продажбата на „Карлсберг“

Продажбата на пива од компанијата „Карлсберг“ порасна за 6,5 отсто во првото полугодие од годинава, затоа што данската пиварница продаде поголема количина од своите поскапи пивски брендови. 

Приходите од продажбата за овој период изнесуваат 4,9 милијарди долари. 

Тоа придонесе да се зголеми нејзината оперативна маржа, и покрај тоа што продолжија тешкотиите што компанијата ги има на рускиот пазар. Во Русија, која е главен пазар на „Карлсберг“, регистриран е пад на продажбата поради силната конкуренција и растот на цените на почетокот на годината, што доведе до губење на пазарниот удел. 

На азискиот пазар, кој е најбрзо растечки пазар на „Карлсберг“, компанијата оствари пораст на нето приходите од 15 отсто, со зголемена продажба на премиум брендовите.