Пад на продажбата на „Рекит Бенкисер“

„Рекит Бенкисер“ објави помал пораст на продажбата од очекуваниот во третиот квартал.

Како што се наведува, тоа е последица од нарушувањето на производството во фабриката за храна за бебиња во Холандија. Фабриката се соочува со попречување во работењето, што влијаело врз продажбата на неколку пазари во период на необично висок пораст на пазарот. „Рекит“ влезе на пазарот за храна за бебиња минатата година, по аквизицијата на „Мид Џонсон“, вредна 17 милијарди долари.

Продажбата „вредност за вредност“ (like-for-like) се зголемила за 2% во третиот квартал. Ако не се земат предвид попречувањата во производството, кои ја намалиле продажбата за 70 милиони фунти, тој пораст би изнесувал 4%.