САД: „Проктер&Гембл“ бележи пораст на продажбата

„Проктер & Гембл“ објави дека нето продажбите во вториот квартал во својата фискална 2025 година изнесуваат 21,9 милијарди долари што е за 2% повеќе во однос на истиот период од минатата година.

Продажбата на органски производи, кои ги исклучуваат влијанијата на девизи и аквизициите, пораснаа за 3% на годишно ниво, предводени од  растот на обемот од 2%.

Разредената нето-добивка по акција изнесуваше 1,88 американски долари, што претставува зголемување од 34% во споредба со претходната година, додека основната заработка по акција беше исто така 1,88 долари, што претставува зголемување од 2% на годишно ниво.

Оперативниот готовински тек изнесувал 4,8 милијарди долари, додека нето приходот во овој период бил 4,7 милијарди долари.

Пријавената и основната бруто маржа во вториот квартал се намали за 30 базични поени во споредба со претходната година.

 Компанијата ги задржа насоките за целата фискална 2025 година, очекувајќи раст на продажбата во опсег од 2-4%, намален раст на нето заработката по акција во опсег од 10-12%, и раст на основната заработка по акција во опсег од 5 -7%.

Нашите резултати од првото полугодие покажуваат дека сме на пат да ги исполниме нашите насоки за фискалната 2025 година. Остануваме посветени на нашата интегрирана стратегија за раст со фокусирано портфолио на производи во секојдневните категории на производи за широка потрошувачка. Оваа стратегија ни овозможи солидни резултати и е основа за балансиран раст и создавање вредност, изјави Џон Молер, претседател и извршен директор на  „Проктер & Гембл“.

Извор: InStore.rs

Фото: „Проктер & Гембл“