Унгарија: „Теско“ бележи загуби

Мулти – форматното работење на трговскиот синџир „Теско“ трпи поради растечките трошоци и владините интервенции во формирањето на цените. Дисконтните синџири продолжуваат да го освојуваат пазарниот удел на сметка на домашните трговци. Плановите кои беа најавени за посебен данок на малопродажбата ќе биде продолжен и после оваа година.

Автор: Себастијан Ренак, меѓународен ритејл аналитичар  

„Теско“ -  Унгарија минатата година ја загуби позицијата. Британскиот мултиформатен  малопродажен трговец во февруари годианава  објави нето-продажби од 721,6 милијарди форинти (1,89 милијарди евра), што е намалување за 0,2% во локална валута во однос на претходната година. Нето профитната маржа на компанијата падна од 2,7% во 2022/2023 година. на -3,0% во 2023/2024 година. година. Зголемените трошоци во комбинација со владините ценовни ограничувања беа главните причини за негативниот резултат. Неодамна објавените податоци за билансот на состојба покажуваат дека материјалните трошоци на трговецот на мало се зголемиле од 86,5% на 89,3% од продажбата минатата година. Во исто време, „Ниелсен“ известува дека пазарот на FMCG во Унгарија пораснал за 15,1% од 2022 до 2023 година. „Шпар“, вториот по големина национален трговец, минатата година ја зголеми нето-продажбата во согласност со пазарот за 15,2% пресметано во  локална валута. Но, како и „Теско“, нето профитната маржа на „Шпар“ падна подлабоко во негатива, на -2,1% од -1,7% една година порано (види графикон).

Победнички марш на дисконтерите

Дисконтерите продолжуваат да го освојуваат пазарниот удел. „Пени“ (Реве груп), „Лидл“ и „Алди“  соодветно ги зголемија своите нето-продажби во локална валута за 20,6%, 19,1% и 17,5%,. Помеѓу германските дисконти, „Лидл“ беше најпрофитабилен со нето профитна маржа од 2,3%, следен од „Пени“ со 0,9%. Резултатите на „Алди“ паднаа во негатива од -1,9%. Како и кај „Теско“, трошоците за материјали значително се зголемија од 85,1% на 86,5% од нето приходот. Дополнително, трошоците за вработените скокнаа од 7,8% на 8,3%.

 Меѓународните трговски продолжуваат да ги истиснуваат домашните играчи

И покрај силниот регулаторен притисок врз маржите и протекционистичките ограничувања за проширување на малопродажната мрежа, меѓународните трговци на мало продолжуваат да отвораат нови капацитети. Според унгарското издание „Трејдмагазинe“, „Пени“ го зголемил нето бројот на продавници за три - од 228 на 231, „Лидл“ за пет продавници на 202 и „Алди“ за девет продавници на 172.

За разлика од ова, домашните играчи мака мачат. Мрежата „Кооп“  се намали за повеќе од 150 продавници на 3.680 продажни места, трговецот на мало „Реал Хунгариа“   затвори речиси 100 продавници, па сега работи со мрежа од околу 1.000 продавници, додека „СБА“  дури додаде шест продавници, зголемувајќи ја својата мрежа на повеќе од 1.990 продавници во крајот на годината. Сепак, во однос на продажбата, се проценува дека сите три трговци изгубиле удел на пазарот, тоа е тренд кој трае веќе неколку години.

Протекционизмотт забавува

Кога станува збор за владините интервенции во формирањето на цените, се чини дека унгарскиот малопродажен сектор го надмина својот врв. Инфлацијата на цените на храната во Унгарија е негативна од почетокот на годината. Во август минатата година, ограничувањата на цените на основната храна беа укинати и заменети со задолжителни, временски ограничени попусти, кои во голема мера го одразуваат бизнис моделот што беше во сила дури и пред да се забрза инфлацијата. Сепак, најзначајното влијание врз профитабилноста на трговците на мало, е специјалниот данок на продажба на мало, воведен во 2020 година и  ќе биде продолжен по 2024 година. Како што неодамна најавија претставници на унгарската влада, приходите ќе бидат насочени во посебен „одбранбен фонд“.

Фото: Себастијан Ренак