Бразил: Цените на шеќерот повторно во пораст

Светските цени на шеќерот вчера повторно пораснаа на ниво кое се приближува до дванаесетгодишниот рекорд.

Според податоците на Лондонската меѓународна берза ICE, фјучерсите за шеќер се продаваа во понеделникот во 16 часот и 34 минути по цена од 26,8 центи за фунта (0,45 килограми) шеќер.

Цените беа на својот врв на 19 септември, кога надминаа 27,5 центи за една фунта шеќер, пишува порталот „Trading Economics“.

Трговците се загрижени за побавната преработка на шеќерна трска во Бразил, како и за тековната суша во некои индиски региони поради климатскиот феномен Ел Нињо.

Ако сушата во Индија продолжи, Владата во Њу Делхи може да го ограничи извозот на шеќер од земјата.