Велика Британија: ТикТок отвори складиште

Социјалната мрежа ТикТок за првпат од своето лансирање ќе им нуди логистички услуги на трговците. По регистрацијата за користење на оваа услуга, трговците од ТикТок ќе предадат дел од своите производи што потоа ќе се чуваат во складиштето на платформата. 

Како што објаснуваат од компанијата, целиот логистички процес на праќање на пакетите ќе го преземе ТикТок, вклучувајќи и пакување на произвовите, нивно обележување и испраќање. 

Неколкумина трговци кои користат ТикТок за својата продажба во Велика Британија веќе ја тестираа услугата и пријавија фантастични резултати, соопштија од компанијата. 

Платформата пред две години покрена онлајн продажба во Велика Британија во соработка со компанијата „Чанел енгине“, по што летово ја отвори и првата поп-ап продавница во Лондон. 

Извор: E-commerce News
Фото: TikTok