„7 елевен“ влегува на германскиот пазар

Американскиот гигант „7 елевен“ се пробива на пазарот во Германија и станува голема конкуренција на тамошните трговци „Алди“ и „Лидл“.

Компанијата соопшти дека земји како Германија, Франција, Ирска, Италија, Полска, Шпанија, Турција и Велика Британија се дел од процесот на истражување за пронаоѓање нови кандидати за мастер-франшиза.

„7 елевен“ моментално има повеќе од 83.000 продавници во 19 земји во Азија и во Северна Америка. Колку локации се планирани во Западна Европа, сè уште не е објавено.

Други потенцијални земји за експанзија се Австрија и Швајцарија. Последниот влез на нов пазар за „7 елевен“ беше во јануари годинава, кога беше отворена првата продавница во Израел.