Потрошувачите се вратија во баровите - скокна профитот на „АБ Инбев“

Профитот на „АБ Инбев“, една од најголемите светски пиварници, се зголеми бидејќи потрошувачите продолжија да купуваат поскапи пива, неутрализирајќи го влијанието на зголемените трошоци. 

Добивката за првиот квартал пред оданочување се зголеми за 7,4отсто на приспособена основа, соопшти компанијата. Аналитичарите очекуваа раст од 3,9 отсто. Цената на акцијата порасна за 3,6 отсто.

„Хајнекен“ и „Карлсберг“, исто така, забележаа раст на приходите од продажба, надминувајќи ги прогнозите на аналитичарите, најмногу благодарение на зголемувањето на цените.

Досега, потрошувачите кои се вратија во баровите во САД и Европа по укинувањето на блокадата не беа спречени да платат повеќе за своето пиво, а повисоките цени сè уште немаат значително влијание врз обемот. 

Приходите на  „АБ Инбев“ пораснаа за 11 отсто, соопшти компанијата. Продажбата на нискокалоричното пиво Michelob Ultra се зголеми за повеќе од 10 отсо во САД, а гигантот вели дека се шири побрзо од своите конкуренти во сегментот на готови жестоки пијалаци со производи како што се коктелите Cutwater.

Приходите од продажба во Кина паднаа за 1,2 отсто поради блокадите поради Ковид-19.

Компанијата ја задржа прогнозата за годишен раст на прилагодената добивка пред даноци, такси, камати и амортизација, очекувајќи таа да биде меѓу 4 и 8 проценти. Аналитичарите очекуваат зголемување од 5,9%. „АБ Инбев“ предвидува уште побрз раст на приходите од продажба.

Компанијата со седиште во Левен, Белгија минатиот месец соопшти дека очекува удар од 1,1 милијарди долари од продажбата на својот удел во заедничкото вложување во Русија.