Европол: Драстичен раст на измамите во онлајн купувањата за време на пандемијата

Пандемијата на коронавирусот предизвика драстично зголемување на измамите во онлајн купувањата, предупреди Европската полициска агенција, соопштувајќи дека криминалците продолжуваат да ги искористуваат жртвите кои работат од дома.

Стравот од вирусот доведе до нагло зголемување на онлајн купувањата, што, пак, доведе до значително зголемување на измамите во набавките во втората година од пандемијата. Продолжувањето на периодот на блокади низ Европа доведе до зголемен број нови можности за е-трговијата, што често пати се покажуваат цел на криминалците, се наведува во годишниот извештај на Европол за овој вид криминалот.

Криминалците нудат стоки и примаат плаќање без испорака, мамат онлајн продавници со слаби безбедносни мерки или  услуги за испорака ги користат како мамки за риболов, додава полициската агенција.

Мобилните телефони се особена цел на овие криминални групи, кои се претставуваат како оператори за услугите за испораки, преправајќи се дека нудат информации за пратката, но всушност се надеваат дека ќе ја добијат сметката на жртвата или деталите за нивната кредитна картичка. Тоа подразбира и испраќање текстуални пораки на мобилни телефони.