„Рекит Бенкисер“ инвестира во фабрика во Мумбај

Светски познатиот производител „Рекит Бенкисер“ објави дека ќе инвестира 4,6 милиони евра во компанија за производство на средства за бричење, со седиште во Мумбај, Индија.

„Бомбај шејвинг компани“ е основана во 2016 година и опфаќа портфолио со повеќе од 100 средства за бричење, козметика за нега на тело и лице.

Од „Рекит Бенкисер“ велат дека со ова партнерство значително ќе се прошири нивната деловна активност на глобално ниво.

Задоволни сме што сме партнер со тимот на „Бомбај шејвинг компани“. Нашата инвестиција е заложба за комбинација на најдоброто од двата света – експертизата на партнерите во дигиталниот свет и нашата експертиза за брендирање и производство. Таа комбинација е формула за огромен успех, велат од раководството на „Рекит Бенкисер“.