Бренд кој ги победи ривалите „Нивеа“ и „Лореал“

Приватната трговска марка за убавина на „Бутс“ е прогласена за омилена во Велика Британија.

Анкета спроведена меѓу 1.000 потрошувачи покажа дека трговскиот бренд No7 на „Бутс“ е избран за омилена марка за убавина во Велика Британија. Брендот, кој првпат беше лансиран во 1935 година и е најпознат по средствата против стареење, ги победи ривалите за убавина, вклучувајќи ги и „Нивеа“ и „Лореал“.

Според резултатите од истражувањето, просечна Британка годишно троши 384 фунти (434 евра) на производи за убавина, вклучувајќи нега на кожата, шминка и парфеми, додека просечниот маж троши околу 308 фунти (348 евра) за нега на кожата и на косата.