Голем пораст на продажбата кај британските дисконтери

Дисконтерите од Велика Британија објавија двоцифрена добивка на продажбата во 2020 година.

Според истражувањето на „Минтел“, продажбата на дисконтерите минатата година се зголемила за 11%. Од консултантската компанија велат дека купувачите потрошиле околу 24 милијарди фунти (27 милијарди евра) во дисконтите, најчесто во „Алди“ и во „Лидл“. Прогнозите на „Минтел“ се дека продажбата на дисконтниот канал ќе достигне 31 милијарда фунти (35 милијарди евра) во следните пет години, што е пораст за речиси 30%. „Алди“ и „Лидл“ имаат удел од околу 67% во дисконтниот пазар и 13% во вкупниот пазар на прехранбени производи во Велика Британија.

Истражувањето покажува дека 86% од британските потрошувачи купуваат храна во дисконти. Процентот на купувачите на возраст од 16 до 24 години што пазаруваат во дисконти изнесува 90%.

Во текот на последната деценија дисконтерите беа неизмерно успешни во комуникацијата на вредноста, велат од „Минтел“. Комбинацијата од ниски цени, добра вредност и едноставно купувачко искуство се покажа како многу популарна кај купувачите. Додека пандемијата на Ковид-19 досега е невиден предизвик за трговците во Велика Британија, очекуваме дисконтерите да имаат корист во овие предизвикувачки времиња.