Италија одобри 2,9 милијарди евра за помош на економијата

Италија одобри нов пакет финансиска помош во вредност од 2,9 милијарди евра, со цел да се олесни економската стагнација на земјата предизвикана од пандемијата на коронавирусот.

Ограничувањата поврзани со коронавирусот, кои од петокот стапија во сила, ја делат земјата во три зони според сериозноста на најновите жаришта.

Тие се помалку строги од заклучувањето на земјата што Рим го воведе кога вирусот првпат се појави во март, но многу продавници се затворени во зоните со најголем ризик, како што е регионот Ломбардија каде што луѓето можат да ги напуштат своите домови само за работа, од здравствени причини или во итни случаи.

Пакетот ги одложува пролетните уплати на даноците што доспеваат во ноември и ги зголемува трансферите кон компаниите што работат во региони означени како „црвени“ или „портокалови“, кои се погодени од најстрогите ограничувања.