
„Марс“ инвестира 60 милиони долари во нов погон на „Тру Фру“ во Солт Лејк Сити. Капацитетот ќе се зголеми на 17 милиони парчиња годишно, а ќе се отворат повеќе од 100 нови работни места.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
Компанијата „Тру Фру“, позната по грицките од вистинско овошје и чоколадо и дел од компанијата „Марс“, најави отворање на нов производствен погон во Солт Лејк Сити во Јута, каде што е и нејзиното седиште.
Вложувањето на „Марс“ во вредност од 60 милиони долари (54,29 милиони евра) е значајна пресвртница во натамошното ширење на брендот, наведуваат од компанијата во соопштението. Тоа ја потврдува посветеноста на понудата на грицки со нутритивни предности за потрошувачите низ целата земја, како и на поддршката за американското производство.
Новиот производствен простор, со површина од околу 3.250 квадратни метри, се наоѓа во рамките на постојниот погон на „Марс“, каде што се произведуваат и плочките Nature’s Bakery.
Со неговото отворање капацитетот на „Тру Фру“ за производство на замрзнати грицки од портфолиото ќе се прошири на 17 милиони парчиња годишно, со што ќе се одговори на растечката побарувачка на потрошувачите.
Отворањето на погонот ќе овозможи и повеќе од 100 нови работни места во регионот. Тоа ќе ја поттикне локалната економија и ќе понуди разновидни можности за вработување во инженерството, производството и техничките занимања.
„Проширувањето на работењето во Солт Лејк Сити е голем чекор кон изградба на поразновидна и поотпорна производна мрежа, додека продолжуваме да го шириме работењето во САД. Оваа нова локација ни дава поголема флексибилност во одговорот на силната побарувачка на потрошувачите и ни овозможува доследно да продолжиме да испорачуваме вкусни и квалитетни производи Tru Fru. Сакавме и да го прошириме нашето присуство во матичниот Солт Лејк Сити и се радуваме што во нашиот тим ќе примиме 100 нови колеги“, изјави Харви Милар, извршен директор на „Тру Фру“.
Да потсетиме, „Марс“ неодамна најави планови за вложување од 1,4 милијарди долари (1,27 милијарди евра) во производните капацитети и работењето во САД. Тоа е најголемото годишно вложување на „Марс“ досега, кое се надоврзува на повеќе од девет милијарди долари (8,14 милијарди евра) вложени во работењето во САД од 2017 година.
Фото: „Марс“