
Брендот CeraVe на „Лореал“ склучи прво филмско партнерство, за филмот „Dune: Part Three“. Во кампањата брендот е претставен како „официјална хидратантна крема на планетата Аракис“.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
Брендот на компанијата „Лореал“ го претстави своето прво официјално партнерство со филмската индустрија, остварено со компаниите „Ворнер брос. пикчрс“ и „Леџендари пикчрс“, по повод филмот „Dune: Part Three“.
Кампањата ја поврзува експертизата на брендот CeraVe за хидратација на кожата со најсувата планета од филмскиот свет. Таа го поставува брендот во улога на „официјална хидратантна крема на планетата Аракис“, во пресрет на кино-премиерата на филмот на 18 декември.
Во центарот на партнерството е CeraVe Moisturizing Cream, која нуди до 120 часа хидратација. Кампањата, која вклучува серија видеосодржини за социјалните мрежи, ја осмисли и продуцираше студиото „ОББ Болдед“, специјализирано за брендирани содржини. Снимањето е реализирано во пустинските предели на Самалајука во Мексико и во Мексико Сити, а режисерка е Мака Рубио од продукциската куќа „Стинк филмс“.
„На Аракис зачинот не е единствениот драгоцен ресурс, важна е и хидратацијата, и тука на сцена стапува нашата хидратантна крема. За нашето прво филмско партнерство горди сме што влегуваме во еден од највпечатливите филмски универзуми, со филмот „Dune: Part Three“. Тоа е неочекуван спој, но постои природна врска меѓу пустинските услови на Аракис и она со што секојдневно се занимаваме во CeraVe, а тоа е да им помагаме на луѓето да се грижат за сувата кожа. Оваа соработка ни дава можност темата за хидратацијата да ја претставиме во глобалната поп-култура и да ја доближиме науката за кожната бариера и керамидите до нова публика“, изјави Венсан Шовиер, глобален претседател на брендот CeraVe.
„Нашата цел е да создаваме партнерства што ги прошируваат световите на нашите филмови на неочекувани, културно релевантни и забавни начини. За првиот влез на франшизата „Dune“ во категоријата нега на телото, CeraVe се покажа како идеален партнер. „Dune: Part Three“ е епскиот завршеток на една голема сага, а оваа соработка на оригинален и забавен начин поврзува два бренда со страствена глобална публика“, додаде Џули Мур, извршна потпретседателка за глобални бренд-партнерства во „Ворнер брос. пикчрс“.
Кампањата ќе биде прилагодена на локалните пазари преку соработка со дерматолози, креатори на содржини и различни промотивни активности. Ќе опфати дигитални кампањи, малопродажни промоции, настани во живо, соработка со инфлуенсери и посебни искуства за потрошувачите. CeraVe ќе биде и еден од спонзорите на светската премиера на филмот во Холивуд на 1 декември, како и на британската премиера на 9 декември.
Фото: „Лореал“