
Британскиот синџир „Маркс и Спенсер“ ја зголеми прилагодената добивка на 403,2 милиони фунти во првата половина од годината, со раст во сите сегменти.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
Групацијата „Маркс и Спенсер“ (M&S) пријави прилагодена добивка од 403,2 милиони фунти (околу 469 милиони евра) во првото полугодие, во споредба со 184,1 милиони фунти година претходно.
Продажбата во сегментот Храна порасна за 13,9 отсто, со прилагодена оперативна добивка од 288,6 милиони фунти (околу 336 милиони евра) и маржа од 5,6 отсто.
Продажбата во сегментот Мода, дом и убавина се зголеми за 17,5 отсто, со прилагодена оперативна добивка од 150,5 милиони фунти (околу 175 милиони евра) и маржа од 7,5 отсто.
Меѓународната продажба порасна за 22,1 отсто, со прилагодена оперативна добивка од 15,3 милиони фунти (околу 18 милиони евра) и маржа од 4,9 отсто.
„Окадо ритејл“ бележи раст на продажбата од 20,6 отсто, со прилагодена оперативна добивка од 25,6 милиони фунти (околу 30 милиони евра) и маржа од 1,4 отсто.
Продажбата на производите M&S Food преку платформата „Окадо ритејл“ порасна за 22,8 отсто, а овие производи сега сочинуваат 30,9 отсто од просечната вредност на потрошувачката кошничка.
Синџирот во овој период реализираше 18 инвестиции во продажната мрежа, вклучувајќи 13 нови или проширени продавници и пет реновирани објекти.
„Првата половина од годината ја започнавме силно, го забрзавме темпото на промени и остваривме раст на пазарното учество. Во втората половина од годината влегуваме во добра позиција, со солидни резултати остварени во октомври. Подготвени сме на нашите купувачи да им овозможиме незаборавна божиќна сезона, со најдобра понуда. Пред четири години претставивме јасна стратегија за зачувување на посебноста на брендот M&S, со истовремена модернизација на работењето, и остваруваме добар напредок. Додека се подготвуваме за Божиќ, целосно сме фокусирани на реализацијата на нашите комерцијални и трансформациски планови“, порача Стјуарт Мачин, извршен директор на компанијата „Маркс и Спенсер“.
Фото: INSTORE