
Брендот Aperol е официјален Spritz-партнер на УЕФА ЕУРО 2028, во рамките на првото партнерство на групацијата „Кампари“ со УЕФА.
InStore.mk e онлајн поддршка на магазинот InStore, месечен магазин за трговија со стока за широка потрошувачка.
Магазинот во С.Македонија се издава од 2011 година, првично како самостоен проект на Кликер Маркетинг, под називот Target, а подоцна како дел од регионалното издание InStore, со канцеларии во Белград, Љубљана, Загреб, Сараево, Скопје и во Подгорица.
InStore е единствениот B2B трејд магазин во С.Македонија и се дистрибуира до целната група: трговци, произведувачи, дистрибутери и придружната индустрија. Магазинот го нема во слободна продажба. Секој заинтересиран може да се претплати на истиот.
Доколку работите во FMCG-секторот и сакате да го добивате InStore на вашата поштенска адреса, пополнете го формуларот и ќе ве контактираме. Полињата се задолжителни. Податоците се за интерна база и нема да бидат употребени за други цели.
Брендот Aperol, еден од најпрепознатливите италијански аперитиви, стана официјален Spritz-партнер на УЕФА ЕУРО 2028, во рамките на првото партнерство на компанијата „Кампари“ со УЕФА.
Соработката ги опфаќа и квалификациите за Европското првенство и завршниот турнир УЕФА ЕУРО 2028. Европското првенство 2028 ќе собере 24 репрезентации, кои ќе одиграат 51 натпревар на девет стадиони во Обединетото Кралство и Ирска, со што Aperol добива силна платформа за понатамошно зајакнување на присуството на клучните европски пазари и пошироко.
„Во текот на неколку недели, секои четири години, Европа станува една голема тераса. УЕФА ЕУРО е еден од ретките настани што може да го обедини целиот континент. Луѓето се собираат на плоштадите, во баровите и домовите. Слават заедно и создаваат спомени што траат долго по последниот судиски свиреж. Aperol Spritz одамна стана многу повеќе од аперитив и сончеви тераси. Тој е еден од клучните општествени ритуали на модерна Европа. Собирањето на луѓето е самата суштина на нашиот бренд. Затоа Aperol Spritz и УЕФА ЕУРО се толку природен спој. И двете создаваат моменти на радост и заедништво во исклучително големи размери“, изјави Томас Морадпур, директор за маркетинг на групацијата „Кампари“.
„Задоволство ни е што соработуваме со групацијата „Кампари“ и што можеме да го пречекаме нивниот култен бренд Aperol како официјален спонзор на УЕФА ЕУРО 2028 и на европските квалификации. УЕФА ЕУРО е многу повеќе од фудбалски турнир. Тоа е прослава што ги обединува луѓето преку незаборавни заеднички искуства. Долгогодишната способност на Aperol да создава моменти на поврзување и дружење го прави природен партнер на нашите натпреварувања и се радуваме на заедничкото создавање на незаборавен турнир“, додаде Ги-Лоран Епштајн, извршен директор за маркетинг на УЕФА.
Aperol ќе го активира партнерството преку низа промотивни активности и настани осмислени да им понудат на полнолетните потрошувачи повеќе можности за дружење, поврзување и заедничко уживање за време на турнирот.
Партнерството доаѓа во момент кога Aperol дополнително го зацврстува статусот на глобална икона на италијанската аперитиво култура, изградена врз спојот на дружењето, италијанскиот начин на живот и коктелот Aperol Spritz, чија годишна потрошувачка во последните дваесет години порасна од приближно 60 милиони на 1,5 милијарди порции.
Растечкото меѓународно значење на брендот го потврдува и неговата позиција на клучните пазари. Aperol Spritz е коктел број еден во категоријата спритцеви и коктели во Италија, како и најпродаваниот коктел во угостителските објекти во Велика Британија. Истовремено, Aperol е водечки меѓународен бренд на жестоки пијалаци на пазарите како Италија, Германија, Австрија и Швајцарија.
Фото: „Кампари“