Johnnie Walker Red Soul пристигнува во Македонија

Од септември, „Гемак Трејд“ започнува со дистрибуција на Johnnie Walker Red Soul, ново шкотско виски создадено за новата генерација љубители на виски.

Креиран од мастер-блендерката Ема Вокер и тимот на Johnnie Walker, Red Soul носи послатка, помека и посовремена интерпретација на шкотското виски. Во неговиот профил се издвојуваат богати ноти на ванила, тофи-карамела и нежен вкус на даб, со мазен и кремаст завршеток.

За разлика од Johnnie Walker Red Label, Red Soul нема изразени чадливи ноти, што го прави полесен и поразновиден за уживање и комбинирање.

Инспириран од пионерскиот дух на Johnnie Walker, Red Soul е создаден за модерни социјални моменти – од доцните попладневни часови до вечерните дружења со пријателите.

Пристигнувањето на Red Soul претставува уште едно продолжение на 35-годишното партнерство меѓу „Гемак Трејд“ и „Диажио“. „Гемак Трејд“ веќе три и пол децении е партнер и дистрибутер на премиум светски брендови од портфолиото на „Диажио“ на македонскиот пазар.

Johnnie Walker Red Soul – нова, послатка и помека страна на шкотското виски.